ប្រេងរំអិលរបស់កម្ពុជាតេលាត្រូវបានទទួលស្គាល់ផ្នែកគុណភាព ដោយវិទ្យាស្ថានប្រេងសហរដ្ឋអាមេរិកតាមរយៈវិញ្ញាបនប័ត្រគុណភាព៖ API-2004 និងអាយអេសអូ 9001-2015។ ដូច្នេះ វាមានន័យថា តេលាបានផ្គត់ផ្គង់ប្រេងរំអិលគុណភាពខ្ពស់ ដល់ទីផ្សារកម្ពុជា ជាង៣០ឆ្នាំមកហើយ។ ពួកយើងពិតជាមានកិត្តិយស ចំពោះ សេចក្តីទុកចិត្តកាន់តែច្រើនឡើងៗ ពីអតិថិជនមកកាន់ ប្រេងរំអិលរបស់ពួកយើង។

ដូច្នេះហើយ ពួកយើងសូមអរគុណចំពោះការប្តេជ្ញាចិត្តរបស់បុគ្គលិក កម្ពុជាតេលាទាំងអស់ ចំពោះគុណភាពការងារ និងការយកចិត្តទុកដាក់ជាមួយអតិថិជនគ្រប់ពេលវេលាជានិច្ច។ ទោះបីជា កម្ពុជាតេលាកំពុងទទួលបានលទ្ធផលល្អគួរឱ្យជាទីពេញចិត្តក៏ដោយក៏នៅមានការងារជាច្រើនទៀតដែលពួកយើងត្រូវសម្រេចឲ្យបាន ។

ប្រេងរំអិលតេលា គឺជាម៉ាកប្រេងធំជាងគេនៅកម្ពុជា

ប្រវត្តិរបស់កម្ពុជាតេលាត្រូវបានផ្សាភ្ជាប់ទៅនិងភាពច្នៃប្រឌិត និងគុណភាព។ ដូច្នេះប្រេងរំអិលរបស់ពួកយើងត្រូវបានផលិតតាមរយៈបច្ចេកវិទ្យាចុងក្រោយ ដែលមកពី អឺរ៉ុប អាស៊ី អាមេរិក និងមជ្ឈឹមបូព៌ា។ ជាមួយនិង បច្ចេកវិទ្យាថ្មីបំផុត កម្ពុជាតេលាបានបង្កើតបរិមាណប្រេងរំអិលដែលមានគុណភាពខ្ពស់ជារៀងរាល់ថ្ងៃ សម្រាប់អតិថិជនក្នុងស្រុក ហើយ ពួកយើងចង់ឲ្យប្រេងរំអិលដែលមានគុណភាពមួយនេះប្រើប្រាស់ដោយអតិថិជនក្នុងស្រុកកាន់តែច្រើនឡើងៗ ។

‌នៅកម្ពុជាតេលា ពួកយើងយល់ថា វាត្រូវការពេលវេលា ការជឿទុកចិត្ត និងការប្តេជ្ញាចិត្តពីបុគ្គលិកម្នាក់ៗ ដើម្បីធ្វើឲ្យផលិតផលប្រេង ខិតទៅជិតអ្នកប្រើប្រាស់ទាំងអស់។ ហើយជាយុទ្ធសាស្ត្រ ពួកយើងបានចាប់ផ្តើមពីថ្នាក់មូលដ្ឋាន ដោយផ្តល់ការបណ្តុះបណ្តាលដល់ក្រុមការងារចុះមូលដ្ឋាន ឱ្យយល់ពីតម្រូវការប្រេងរំអិលដែលមានគុណភាពខ្ពស់ ហើយមូលហេតុនានាដែលអតិថិជនគួរយល់ដឹង។ បន្ទាប់មក ពួកយើងតែងតែចុះមូលដ្ឋាន ដើម្បីសួរសុខទុក្ខ អតិថិជន ។

វាជាការសំខាន់ ពីព្រោះការចុះសួរសុខទុក្ខអ្នកប្រើប្រាស់ជាប្រចាំ អាចជួយពួកយើងបង្កើតទំនាក់ទំនងដ៏ខ្លាំងខ្លាមួយជាមួយក្រុមអ្នកប្រើប្រាស់ផលិតផល ហើយជាលទ្ធផល វានឹងកើតចេញជាផ្លែផ្កាជំនួញដ៏រឹងមាំ។ ជាងនេះទៅទៀត ពួកយើងធ្វើការយ៉ាងជិតស្និទ្ធ ជាមួយនិងប្រព័ន្ធផ្សព្វផ្សាយនានា ដើម្បីដាក់ចេញមាតិកាក៏ដូចជាព័ត៌មាននានា ដើម្បីទាក់ទាញក៏ដូចជាជូនដំណឹងដល់អតិថិជនអំពី សក្តានុពល អត្ថប្រយោជន៍ និងគុណភាពរបស់ប្រេងរំអិលតេលា។ សកម្មភាពទាំងអស់នេះ គឺជាផ្នែកមួយនៃការប្តេជ្ញាចិត្តរបស់ពួកយើង ដើម្បីក្លាយខ្លួនទៅជា ប្រេងរំអិលឈានមុខនៅក្នុងប្រទេសកម្ពុជា។ ពួកយើងសង្ឃឹមថា គោលដៅមួយនេះ នឹងអាចសម្រេចបាន នាពេលអនាគតខាងមុខ ។